Институттың ішкі құжаттарына өзгерістер мен толықтырулар енгізу туралы
Қазақстан Республикасы Білім және ғылым министрінің «Коронавирустық инфекцияның таралуына байланысты шектеу шаралары кезеңінде білім беру ұйымдарында оқу үдерісін жүзеге асыру жөніндегі әдістемелік ұсынымдарды бекіту туралы» 2020 жылғы 13 тамыздағы № 345 бұйрығына, сондай-ақ ҚР Бас мемлекеттік санитариялық дәрігерінің Қаулыларына сәйкес 2020-2021 оқу жылының көктемгі семестрін ұйымдастыру мақсатында Еуразия гуманитарлық институтының ішкі құжаттарына өзгерістер енгізілді.
«Еуразия гуманитарлық институтының академиялық саясатының негізгі ережелері», «Санитарлық-эпидемиологиялық режимді қамтамасыз ету регламенті және оны білім алушылар мен Еуразия гуманитарлық институты қызметкерлерінің сақтауы» соңғы өзгерістері мен толықтыруларымен институт сайтына орналастырылды: бірінші курста оқытудың аралас форматын ұйымдастыру, білім алушылар мен студенттердің санитарлық режимді сақтауы, санитарлық-эпидемиологиялық режимді сақтау жағдайларында жатақханада тұру ережелері және т.б.
Көктемгі семестрді ұйымдастыру бойынша түсіндіру жұмыстарын жүргізу мақсатында желтоқсан-қаңтар айларында институт басшылығы мен құрылымдық бөлімшелер басшыларының білім алушылармен және институт оқытушыларымен бірқатар кездесулері өткізілді. Ұйымдастыру мәселелері бойынша тұрақты ақпараттандыру үшін 2020-2021 оқу жылының көктемгі семестріне ақпараттық-түсіндіру жұмыстары бойынша іс-шаралар жоспары жасалды.