Бəріміз жұдырықтай жұмылайық!
Президент Қ.К. Тоқаевтың бүгінгі Қазақстан халқына үндеуі карантинде отырған елге үміт сәулесін жаққандай болды. Мемлекет тарапынан көрсетіліп жатқан әлеуметтік көмек, бизнестің тұралап қалмауына жасалып жатқан шаралар елдің еңсесін тіктегені анық.
Еліміздің әр саласы карантин жағдайына бейімделіп, жұмыстарын жалғастыруда. Білім саласы да қашықтықтан жұмыс жасауын әрі қарай жалғастыра бермек. Оқытушылар мен студенттер заманауи ақпараттық-технологияларды меңгеріп, білімдерін жаңа сапалық деңгейге көтеріп жатыр. Педагогтарымыз қашықтықтан оқыту жағдайына тез икемделіп, білім саласындағы қызметін жоғары деңгейде жүргізуде.
Баршамыз бірігіп бұл қиындықты жеңіп шығатынымызға сенім мол!
Еуразия гуманитарлық институтының ректоры А. Құсайынов