Студенттер қатарына қабылдау

2015 жылыдың 4 қарашасында Еуразия гуманитарлық иститутында жылда дәстүр бойынша «Студенттер қатарына қабылдау» атты мерекелік іс-шара өтті. Жастар ісі жөніндегі комитеттің ұйымдастыруымен «Студенттер қатарына қабылдау» мерекелік кеші салтанатты рәсім мен концерттік бөлімнен тұрды. ЕАГИ әнұраны орындалғаннан кейін, бірінші курс студенттеріне арнап Еуразия гуманитарлық институтының ректоры, академик, тарих ғылымдарының докторы, профессор А.Қ. Құсайынов құттықтау сөз айтып, білім жолында сәттілік тіледі. Сонымен қатар Астана қаласы жастар саясаты мәселелері басқарамасының басшысы Т.А. Рахманберді құттықтау сөз сөйледі. Дәстүр бойынша жоғарғы курс студенттерінің айтар нақыл сөзерін тыңдап, бірінші курс студенттері ант берді. Білім кілті мен студенттік билетті институт деканы, филология ғылымдарының кандидаты, доцент Қ.А. Мамаділ бірінші курс студенттеріне тапсырды. Концерттік бағдарламада «Шаттық» би ансамблі, «Golden tim» вокалды аспаптық ансамблі, вокал студиясы, заманауи би тобы, «Аққу әдеби шығармашылық» ұйымы, «Поэзия, менімен егіз бе едің?» жас ақындар клубы, «EAGI life» КВН командасы ат салысып, өз өнерлерін көрсетті.