Астана қ. ЕАГИ студенттері мен «Ассамблея жастары»  қоғамдық бірлестігі көшбасшыларының ашық диалогы

2024 жылдың 14 ақпанында А.Қ. Құсайынов ат. Еуразия гуманитарлық институты студенттерінің «Ассамблея жастары» қоғамдық бірлестігінің жетекшілері төрағасы Когай Максим Дмитриевичпен, төрағасының орынбасары Пак Лариса Владимировнамен,  халықаралық қатынастар бойынша сарапшы Драгун Эрик Владиславовичпен,  спорт секторының басшысы Ча Данил Владимировичпен кездесуі өтті.

Іс-шараны аша отырып, тәрбие жұмысы жөніндегі проректор, п.ғ.к., профессор Оспанова Ярослава Николаевна «Ассамблея жастарымен» ынтымақтастықтың маңыздылығын атап өтіп, бірлік, этносаралық келісім Тәуелсіз Қазақстанның іргелі негіздері, сондай-ақ студент жастар үшін көшбасшылық қасиеттерді қалыптастыру және өз бастамаларын іске асыру бойынша тамаша мүмкіндік екенін атап өтті.

Өз презентациясында Ассамблея Төрағасы Когай Максим Дмитриевич ««Ассамблея жастары» ұйымының басты мақсаты – жастарды қоғамдық келісім негізінде шоғырландыру, жастар бастамалары мен әлеуметтік қолдауды дамыту» екенін атап өтті.

Сондай-ақ, спикерлер «Ассамблея жастары» қызметіне егжей-тегжейлі тоқталып, қолданыстағы жобалар туралы айтып берді. Студенттерге арнаған сөзінде олар жастар бастамаларын қолдауға және елорданың қоғамдық өміріне белсенді қатысуға шақырды.

Институт басшылығы және қатысқан оқытушылар мен студенттердің атынан проректор Ярослава Николаевна қонақтарға мазмұнды кездесу үшін алғыс айтып, достық пен ынтымақтастық белгісі ретінде естелік сыйлық сыйлады.