ЕАГИ Қазақстан Республикасының Жоғары білім қызметкерлерінің күнін атап өтті

2024 жылғы 4 қазанда А.Қ. Құсайынов атындағы Еуразия гуманитарлық институтында кәсіби мереке – Қазақстан Республикасы Жоғары білім қызметкерлерінің күніне арналған мерекелік іс-шара өтті.

Іс-шараны институт ректорының м. а., профессор Н.Т. Ныгыманова ашып, оқытушылар мен қызметкерлерді мерекемен шын жүректен құттықтады.

Жоғары білім қызметкері күніне орай Н.Т. Ныгыманова ЕАГИ оқытушылары мен қызметкерлерін алғыс хаттармен марапаттады.

Оқытушылар мен қызметкерлердің атына студенттерден жылы және шынайы құттықтау сөздер айтылды. Сондай-ақ олар музыкалық, би, поэтикалық қойылымдар түріндегі шығармашылық нөмірлермен қуантып, барлығына ұмытылмас мереке сыйлады.