ЕАГИ-де студенттерге арналған ақпараттық қауіпсіздікті қамтамасыз ету бойынша онлайн-лекторий өтті
2020 жылдың 10-15 қыркүйегі аралығында «OES-Вебинар» платформасында заң пәндері кафедрасының оқытушылары мен ҚБТ орталығының қызметкерлері Еуразия гуманитарлық институтының студенттері үшін «Еуразия гуманитарлық институтының оқу-тәрбие үдерісінде және киберкеңістіктегі жұмыста ақпараттық қауіпсіздікті қамтамасыз ету» тақырыбында онлайн-лекторий өткізді.
Семинар, ең алдымен, ақпараттық қауіпсіздікті қамтамасыз етуге, сондай-ақ заңмен қорғалатын жеке және іскерлік тәртіптегі мәліметтерді қорғауға бағытталған, бұл осы бағытта әкімшілік, ұйымдастырушылық, тәрбиелік және құқықтық сипаттағы тиісті шаралар жүйесін іске асыруды көздейтін кешенді міндет болып табылады.
Семинарда пайдаланылатын білім беру платформаларының мүмкіндіктеріне, ұйымдастыру регламентіне, ЖОО Жарғысының негізгі ережелеріне және қойылатын құқықтық талаптарға сәйкес Қашықтықтан оқытудың техникалық құралдарын, әдістері мен технологияларын қолданудың сипаты мен тәртібі туралы нақты түсінікке ие болуы тиіс білім беру үдерісіне қатысушылардың мінез-құлық қағидалары талқыланды.
Сондай-ақ студенттерге құқыққа қарсы әрекеттерді жасағаны үшін құқықтық жауапкершіліктің түрлі тетіктерін қолдану мүмкіндігін көздейтін ҚР қолданыстағы салалық заңнамасы түсіндірілді. Бұл жағдайда азаматтық-құқықтық, әкімшілік және қылмыстық жауапкершілік шаралары туралы айтылып отыр.
Рухани-адамгершілік және этикалық мазмұн тұрғысынан мұндай әрекеттерді жасауға жол берілмейтіндігін, болашақ мамандардың кәсіби құзыреттілігіне нұқсан келтіруді түсіну қажеттілігінен басқа, қарастырылып отырған мәселенің заңсыздығы мен қоғамдық қауіптілігіне назар аударылды. Студенттердің пікірі бойынша дәріс нәтижелі және мазмұнды болды.
