ЕАГИ-дегі халықаралық ғылыми-практикалық конференция

2021 жылғы 9 желтоқсанда Еуразия гуманитарлық институты Қырғызстанның халықаралық университетімен бірлесіп, Қазақстан Республикасы Тәуелсіздігінің 30 жылдығына арналған «Гуманитарлық және әлеуметтік ғылымдардың қазіргі заманғы мәселелері» атты Халықаралық ғылыми-практикалық онлайн-конференция өткізді.

Конференция жұмысына Қазақстан, Ресей және Қырғызстаннан 500-ден астам ғалым қатысты. Бұл орта, жалпы, орта кәсіптік, жоғары, қосымша кәсіптік білім беру бағдарламаларын іске асыратын ғылым және білім беру мекемелерінің өкілдері (Нұр-Сұлтан, Алматы, Бішкек, Москва қалалары және т.б.) болып табылады.

Пленарлық отырыста Еуразия гуманитарлық институтының ректоры, тарих ғылымдарының докторы А.Қ. Құсайыновтың; Еуразия гуманитарлық институтының оқу және ғылыми жұмыс жөніндегі проректоры, профессор, тарих ғылымдарының докторы Қ.Ә. Ахметовтің; Қырғызстан халықаралық университетінің ЕҚБ ғылым және халықаралық байланыстар жөніндегі проректоры, биология ғылымдарының кандидаты М.С. Байходжоевтің (Бішкек қ., Қырғызстан); академик, филология ғылымдарының докторы, Л.Н. Гумилев ат. Еуразия ұлттық университетінің профессоры Қамзабекұлы Диханның (Нұр-Сұлтан қ., Қазақстан); педагогика ғылымдарының докторы, Қырғызстан Халықаралық университетінің профессор Қ.Д. Дабаевтың (Бішкек қ., Қырғызстан); PhD, доцент, Л.Н. Гумилев ат. Еуразия ұлттық университетінің аударма теориясы мен практикасы кафедрасының меңгерушісі М.Ж. Ескендірованың (Нұр-Сұлтан қ., Қазақстан); Еуразия гуманитарлық институты педагогика кафедрасының профессоры, тарих ғылымдарының кандидаты А.Ж. Аманбаевтың; филология ғылымдарының кандидаты, Қырғызстан Халықаралық университетінің доценті Г.З. Бексұлтанованың (Бішкек қ., Қырғызстан); филология ғылымдарының кандидаты, Назарбаев университетінің қауымдастырылған профессоры Ж.А. Ағабекованың (Нұр-Сұлтан қ., Қазақстан); заң ғылымдарының кандидаты, профессор, Еуразия гуманитарлық институтының заң пәндері кафедрасының меңгерушісі Қ.З. Ыдырысовтың; М.Х. Дулати ат. Тараз аймақтық университеті «Қаржы» кафедрасының доценті, экономика ғылымдарының кандидаты Д.Б. Мұратованың (Тараз қ., Қазақстан); педагогика ғылымдарының докторлары, Еуразия гуманитарлық институты педагогика кафедрасының профессоры Б.С. Сәрсекеевтің баяндамалары оқылды.

Конференция жұмысы дөңгелек үстел аясында келесі бағыттар бойынша жалғасты:

  1. Педагогика және психология.
  2. Әлеуметтік-гуманитарлық ғылымдар: тарих, әлеуметтану, философия, әлеуметтік жұмыс, экология, валеология.
  3. Тіл және әдебиет мәселелері.
  4. Шетел филологиясы және аударма ісі.
  5. Халықаралық қатынастар және аймақтану.
  6. Құқық.
  7. Менеджмент, экономика және қаржы.

Конференция қорытындысы бойынша ұсыныстар қабылданып, қатысушыларға сертификаттар берілді.

ЕАГИ ұйымдастыру комитеті