«Инновациялық білім беру бағдарламалары: әзірлеу және енгізу тәжірибесі» әдістемелік семинары

2022 жылғы 14-17 қыркүйек аралығында Торайғыров университетінде (Павлодар қ.) BTS-Education ЖШС-мен бірлесіп «Инновациялық білім беру бағдарламалары: әзірлеу және енгізу тәжірибесі» атты ашық әдіснамалық семинар өткізілді. Оған ЕАГИ-дің оқу және ғылыми жұмыс жөніндегі проректоры Қ.Ә. Ахметов және білім беру бағдарламаларын әзірлеуші, шетел тілдері кафедрасының доценті А.К. Ілиясова қатысты.

Бірінші күні «Қазақстанның стратегиялық дамуындағы білімнің рөлі» атты дөңгелек үстел ұйымдастырылды. BTS-Education директорының орынбасары Е. Молдакасимов Торайғыров университетінің оқытушылары жұмыс берушілермен бірге білім беру бағдарламаларын әзірлеу тәжірибесімен бөлісті.

Болон процесі және академиялық ұтқырлық орталығы басқармасының басшысы А. А. Мұхамбетова семинарға қатысушыларды инновациялық білім беру бағдарламаларын талдау және әзірлеу тәртібімен таныстырды.

BTS-Education менеджерлері мен сарапшылары ұйымдастырған «Білім беру бағдарламаларын әзірлеудегі стратегиялық құндылықтар» интерактивті практикаға бағытталған сессия танымдық және қызықты болды. Семинарға қатысушылар инновациялық білім беру бағдарламаларын оқытудың мақсаты мен нәтижелерін әзірлеу, білім беру бағдарламаларының контентін талдау, инновациялық білім беру бағдарламаларындағы оқу пәндерін сипаттау тәжірибесі атты фокус-топтарда семинар жұмысына белсенді қатысты.