Институттың 30 жылдығына арналған «ҒЫЛЫМ ЖӘНЕ ЖАҢА ҰРПАҚ – 2025» атты студенттер мен магистранттардың халықаралық ғылыми конференциясы
А.Қ. Құсайынов атындағы Еуразия гуманитарлық институты 2025 ж. 11 сәуірінде институттың 30 жылдығына арналған «ҒЫЛЫМ ЖӘНЕ ЖАҢА ҰРПАҚ – 2025» атты студенттер мен магистранттардың халықаралық ғылыми конференциясын өткізеді
Конференция жұмысы келесі бағыттар бойынша жоспарланған:
ХХІ ғасырдың қазіргі гуманитарлық білім жүйесіндегі педагогика және психология.
- Әлеуметтік-гуманитарлық ғылымдардың өзекті мәселелері.
- Қазіргі тіл білімі мен әдебиеттанудың ғылыми зерттеу аспектілері: жас ғалымдар көзімен.
- Тіл білімінің, аударматанудың және шет тілдерін оқыту әдістемесінің заманауи мәселелері.
- Қазіргі кезеңдегі құқықтық жүйені дамыту мәселелері.
- Қазақстан экономикасының қазіргі жағдайы.
Конференцияға қатысу үшін мақала авторының аты-жөні көрсетілген өтінім мен баяндама тезисі 2025 жылдың 22 наурызына дейін жіберілуі керек. Конференциядан кейін ISBN бар жинақты басып шығару жоспарлануда.
Конференцияның жұмыс тілдері – қазақ, орыс, ағылшын.
Көрсетілген мерзімнен кешіктірілген немесе талапқа сай рәсімделмеген материалдар қаралмайды және кері қайтарылмайды.