«Құсайынов оқулары 2024» конференциясы

2024 жылғы 6 желтоқсанда А.Қ. Құсайынов атындағы Еуразия гуманитарлық институтында Құсайынов оқулары: «ХХІ ғасырдағы ғылым және білім: үрдістер мен перспективалар» атты халықаралық ғылыми-практикалық конференция өтеді. Жыл сайын ұйымдастырылатын бұл шарада әртүрлі елдердің ғалымдары, оқытушылар мен сарапшылар ғылым мен білімнің өзекті мәселелерін талқылау үшін бас қосады.

Конференцияның мақсаты: тәжірибе алмасу, түрлі елдердің зерттеушілері мен сарапшыларының басын қосып ғылыми ынтымақтастықты нығайту және қазіргі жаһандану жағдайындағы ғылым мен білімнің күрделі мәселелерін талқылау.

Шақырылған қонақтар мен құрметті спикерлердің қатарында:

• Аброрхонова Камолахон Аброрхон қызы, Низами атындағы Ташкент мемлекеттік педагогикалық университетінің доценті, PhD (Өзбекстан).
• Алшанов Рахман Алшанович, экономика ғылымдарының докторы, профессор, «Тұран» университетінің ректоры (Қазақстан).
• Исакулова Нилуфар Жаникуловна, педагогика ғылымдарының докторы, Өзбек мемлекеттік әлем тілдері университетінің профессоры (Өзбекстан).
• Этель Наталья Ревелло Бароверон, педагогика ғылымдарының докторы, Кордова Ұлттық университеті (Аргентина).
• Адылбек қызы Гүлназ, педагогика ғылымдарының кандидаты, Жүсіп Баласағұн атындағы Қырғыз ұлттық университеті (Қырғызстан).
• Сарыбеков Махметғали Нұрғалиұлы, педагогика ғылымдарының докторы, профессор, Шерхан Мұртаза атындағы Халықаралық Тараз инновациялық институтының ректоры (Қазақстан).
• Дауренбекова Лаура Ноғайбекқызы, филология ғылымдарының кандидаты, доцент, А.Қ. Құсайынов атындағы Еуразия гуманитарлық институты (Қазақстан).
• Ищанова Руслана Қуанышевна, PhD докторы, ҚР Ұлттық Банкінің Орталық филиалы директорының орынбасары (Қазақстан).

Конференцияға Қазақстан, Өзбекстан, Қырғызстан, Ресей, Болгария, Аргентина және т.б. елдердің өкілдері қатысады, бұл конференцияның халықаралық сипатын танытады.

Шара барысында жетекші спикерлер сөз сөйлейтін пленарлық отырыс ұйымдастырылып, ауқымды ғылыми бағыттарды қамтитын алты тақырыптық секция жұмыс жасайды.  Олардың қатарында:

• Қазіргі білім жүйесіндегі педагогика мен психология.
• Лингвистика, әдебиеттану мен мәдениетаралық коммуникация.
• Құқық пен экономика: қазіргі сын-қатерлер.
• Білім берудегі инновациялық тәсілдер және адам капиталын дамыту.

Сондай-ақ көпұлтты Қазақстандағы тілдік және мәдени бірегейлік мәселесі, сондай-ақ жаһандық тұрақсыздық жағдайындағы тұрақты дамудың жаңа стратегиялары да басты назарда болмақ.

Конференция нәтижесінде қатысушылардың негізгі шешімдері мен ұсыныстарын қамтитын ғылыми материалдар жинағы жарық көреді. Бұл шара Қазақстандағы және одан тыс аймақтардағы ғылым мен білімнің дамуына қосылған маңызды үлес болады деп сенеміз.

ЕАГИ ұйымдастыру комитеті