ЕАГИ студенттері Ярослав Гашектің «Солдат Швейктің басынан кешкендері» романының қазақ тіліндегі нұсқасының тұсаукесерінде

2025 жылғы 12 қарашада Астана қаласының Орталық балалар және жасөспірімдер кітапханасында өткен Чехтың әйгілі жазушысы Ярослав Гашектің «Солдат Швейктің басынан кешкендері» романының қазақ тіліндегі нұсқасының тұсаукесеріне А.Қ. Құсайынов атындағы Еуразия гуманитарлық институтының «Қазақ тілі мен әдебиеті» білім беру бағдарламасының ҚТ-25-01 тобы студенттері мен топ кураторы доцент Н.М. Кокишева және институт кітапханасының қызметкері А.С. Оспанова қатысты.
Кездесуге кітап демеушісі Абай Хамкенұлы, чех елшілігінің өкілі, Чех Республикасының ҚР-дағы қорғаныс мәселесі жөніндегі атташесі Томаш Ржиман, т.ғ.д., профессор, Сәкен Сейфуллин музейінің басшысы Марат Абсеметов және кітаптың шығуына атсалысқан азаматтар қатысты. Тұсаукесер барысында кітаптың бір данасы қонақтардың қолтаңбасымен институтымыздың кітапханасына сыйлыққа табысталды. Тұсаукесерді ұйымдастырған Орталық кітапхана директоры Г.С. Мадибаева мен қызметкері С. Дүйсенқызына зор алғыс білдіреміз.