А.Қ. Құсайынов атындағы Еуразия гуманитарлық институты (ЕАГИ) – елордадағы заманауи білім беру және зияткерлік орталық, жоғары білікті мамандардың жаңа буынын даярлайтын жетекші жоғары оқу орындарының бірі. Институт сапалы білім беруді, тәжірибеге бағытталған оқытуды және инновациялық тәсілдерді үйлестіре отырып, білім алушылардың кәсіби құзыреттерін, зерттеушілік ойлауын және көшбасшылық қасиеттерін дамытады.   Институттың басты миссиясы – қазіргі экономиканың және қарқынды өзгеріп жатқан еңбек нарығының талаптарына сай бәсекеге қабілетті, кәсіби құзыретті мамандар даярлау. ЕАГИ түлектері еңбек нарығында жоғары сұранысқа ие және қазіргі қоғам мен экономиканың сын-қатерлеріне табысты жауап береді.   ЕАГИ-де білім алу талапкерлерге беделді әрі сұранысқа ие білім алуға мүмкіндік береді:

• күндізгі оқу нысаны бойынша (жалпы орта білім негізінде);
• күндізгі қысқартылған оқу нысаны бойынша (техникалық және кәсіптік, орта білімнен кейінгі немесе жоғары білім негізінде);
• дуальды оқыту нысаны бойынша (институттағы оқуды серіктес кәсіпорындардағы практикалық даярлықпен ұштастыру).

Барлық білім беру бағыттары бойынша шетел тілдерін тереңдетіп оқуға мүмкіндік қарастырылған.