20 ноября 2020 года в Карагандинском областном историко-краеведческом музее состоялась областная научно-практическая конференция “Ныгмет Нурмаков и Независимый Казахстан”, посвященная 125-летию общественного и государственного деятеля Ныгмета Нурмакова в режиме online.

Оnline конференцияға қатысушылар арасында Қарағанды, Нұр-Сұлтан қалаларының жоғары оқу орындарының ғалымдары, өлкетанушылар, облыс музейлерінің қызметкерлері, қоғам қайраткерлері, туыстары және Н. Нұрмақов атындағы мектеп мұғалімдері, БАҚ өкілдері болды.
Аталған конференцияға педагогика кафедрасының профессоры Өскембаев Қанат Сәдуақасұлы қатысып, «Н. Нұрмақовтың сыртқы саясатқа байланысты жазған тағылымды түйіндері» атты баяндамасымен таныстырды. Баяндамашының қарастырған мәселесі Нығмет Нұрмақовтың қазақ мемлекеттілігінің қалыптасуындағы қоғамдық-саяси қызметінен тыс, 1927 жылы Қызылордада баспадан шыққан «Кеңестер Одағының сыртқы жайы және ОСОАВИАХИМ қоғамының міндеті» жайлы кітабы төңірегінде өрбіді. Сол кезеңдегі кеңестер одағының және әлемдік сыртқы саясаттың негіздерін өте жақсы түсінген Н. Нұрмақов, қылышынан қан тамып, аузын ашқанның тілін жұлып алатын кезеңдегі оқиғаларға сәйкес өзінің ойларын білдіретін бірнеше шығармалар жазғанын біздер, енді біліп жатырмыз.