Академиялық ұтқырлық туралы келісім аясында профессор Г.Д. Тажбенова мен доцент Б.Б. Мажитова 2026 жылғы 22 сәуір мен 6 мамыр аралығында Қырғызстан халықаралық университетінде (Бішкек қ.) «Қаржы» білім беру бағдарламасының 3-курс студенттеріне «Менеджмент және инклюзия» және «Қаржы нарықтары мен институттары» пәндері бойынша онлайн сабақтар өткізді.
Сабақ барысында қаржы нарықтарының қызмет етуінің өзекті мәселелері, олардың дамуының заманауи үрдістері, сондай-ақ экономиканы цифрландыру жағдайындағы қаржы институттарының рөлі қарастырылды. Қаржы құралдарын талдаудың практикалық аспектілеріне және студенттердің кәсіби құзыреттерін дамытуға ерекше назар аударылды.
Академиялық ұтқырлық бағдарламасына қатысу халықаралық ынтымақтастықты нығайтуға, ғылыми әлеуетті дамытуға және білім беру сапасын арттыруға ықпал етеді. Аталған тағылымдама кәсіби байланыстарды кеңейту мен заманауи білім беру тәжірибелерін енгізудегі маңызды қадам болды.
