Оқыту барысында қызметкерлер талапкерлермен және олардың ата-аналарымен өзара әрекеттесу алгоритмдерін пысықтап, кеңес беру барысында туындайтын күрделі жағдайларды қарастырды. Сондай-ақ талапкерді алғашқы өтінішінен бастап оқуға қабылданғанға дейін сүйемелдеудің бірыңғай маршруты қалыптастырылды.
Тренингте білім беру гранттары, «Қазақстан халқына» қорының бағдарламалары, қысқартылған білім беру бағдарламалары, дуальды оқыту, қолданбалы бакалавриат және кадрларды қайта даярлау мәселелеріне ерекше назар аударылды.
ЕАГИ қабылдау комиссиясы жаңа қабылдау науқанының басталуына толық дайын және 20 маусымнан бастап талапкерлерге өз есігін айқара ашады. Біз әрбір талапкерге болашақ мамандығын саналы таңдауға көмектесуге, барлық сұрақтарына жауап беруге және оқуға түсу жолынан сенімді әрі қолайлы өтуіне қолдау көрсетуге дайынбыз.
Құрметті талапкерлер, сіздерді ЕАГИ-де күтеміз!
