11 қыркүйек күні А.Қ. Құсайынов атындағы Еуразия гуманитарлық институтының студенттері Астана қаласындағы Қ. Қуанышбаев атындағы Қазақ ұлттық музыкалық драма театрында өткен Social Entrepreneurship Summit 2026 әлеуметтік кәсіпкерлердің халықаралық саммитіне қатысты.
Саммиттің негізгі тақырыбы – «Тұрақты болашақ үшін әлеуметтік инвестициялар». Іс-шара мемлекеттік органдардың, халықаралық ұйымдардың, бизнес-қоғамдастықтың өкілдерін, әлеуметтік кәсіпкерлер мен тұрақты даму саласындағы сарапшыларды біріктірді.
Бағдарлама аясында студенттер табысты әлеуметтік жобалармен, кәсіпкерлікті қолдау шараларымен, білім беру және қаржыландыру мүмкіндіктерімен танысты. Сондай-ақ мотивациялық және тақырыптық сессияларға қатысып, әлеуметтік кәсіпкерлікті дамытудағы халықаралық ынтымақтастықтың маңызы туралы құнды ақпарат алды.
Саммитке қатысу студенттердің дүниетанымын кеңейтіп, әлеуметтік кәсіпкерлік пен инвестициялар саласындағы білімдерін толықтыруға мүмкіндік берді. Мұндай іс-шаралар жастардың әлеуметтік жауапкершілігін, бастамашылдығын, көшбасшылық қасиеттерін және қоғам игілігіне қызмет етуге деген ұмтылысын қалыптастыруға ықпал етеді.
ЕАГИ студенттердің жан-жақты дамуына жағдай жасап, олардың маңызды білім беру, қоғамдық және халықаралық жобаларға қатысуын қолдауды жалғастырады.
