SpeakUp! – Пікірсайыс күні

2025 жылғы 4 желтоқсанда SpeakUp! Клубында «Шетелде оқу: Толық адам болуға апарар жол ма?» тақырыбында ағылшын тілінде мазмұнды пікірсайыс өтті.
Қатысушылар Абайдың «Толық адам» тұжырымдамасына сүйене отырып, шетелде білім алу адамның Ыстық қайраты, Нұрлы ақылы және Жылы жүрегі қаншалықты қалыптасатынын талқылады.
А командасы — «Ыстық қайрат» командасы (Команда құрамы: Айкын Айнар, Джантасова Медина, Тухан Сакен, Кокимов Арыстан, Ислямов Кайсар) «Шетелде оқу – дербестікке, табандылыққа, жаңа мүмкіндіктерге жол ашады» тақырыбын; В командасы — «Жылы жүрек» командасы (Команда құрамы: Амангельдулы Али, Мухтарова Инжу, Абылай Досымжан, Нурхан Адлет, Дабыл Молдир) «Толық адам болу өз еліңде де мүмкін: рухани құндылық, мәдени тамыр, адамгершілік байланыс осында қалыптасады» тақырыбын қорғап шықты.
Екі команда да Абай ойларына сүйеніп, білім мен адамдықтың мәнін жан-жақты талдады. Пікірталас әсерлі, мазмұнды және тартымды өтті.
Пікірсайыс жеңімпазы — «Жылы жүрек» командасы.
Сараптамалық бағасы мен әділ төрелігі үшін Айгерим Асылхановнаға ерекше алғыс білдіреміз.