2026 жылғы 23-24 қазанда Ташкент қаласында өңірдің жоғары оқу орындарының, ғылыми қоғамдастығы мен сараптамалық ұйымдарының өкілдерін біріктірген Орталық Азия елдерінің Халықаралық білім беру форумы өтті.
Форум аясында жоғары білім мен ғылымды дамытудың, инновациялық технологияларды енгізудің, ғылыми зерттеулердің нәтижелерін коммерцияландырудың, білім беру процесін цифрландырудың, сондай-ақ халықаралық академиялық және ғылыми ынтымақтастықты кеңейтудің өзекті мәселелері талқыланды. Орталық Азия университеттері арасындағы өзара іс-қимылды нығайтуға және ғылыми зерттеулердің сапасын арттыруға және бәсекеге қабілетті мамандар даярлауға бағытталған бірлескен бастамаларды іске асыруға ерекше назар аударылды.
Сапардың маңызды нәтижелерінің бірі А.Қ. Құсайынов атындағы Еуразия гуманитарлық институты мен Ташкент Менеджмент және экономика институты арасында ынтымақтастық туралы меморандум жасасу болды. Келісім бірлескен білім беру, ғылыми-техникалық және инновациялық жобаларды іске асыруды, студенттер мен оқытушылардың академиялық ұтқырлығын дамытуды, жобаларға ғылыми сараптама жүргізуді, ғылыми және оқу-әдістемелік ақпаратпен алмасуды көздейді.
