2026 жылғы 7 қазанда А.К. Құсайынов атындағы Еуразия гуманитарлық институтында Қазақстан Республикасы Ішкі істер министрлігінің Астана қаласы Полиция департаментінің Есірткі қылмысына қарсы іс-қимыл басқармасымен бірлесіп шағын футболдан турнир ұйымдастырылды.
Спорттық іс-шараға тоғыз команда құрамында ЕАГИ-дің 60-қа жуық студенті қатысты. Турнир студенттердің спорттық шеберлігін, командалық өзара іс-қимылын және жеңіске деген ұмтылысын танытатын алаңға айналды.
Жарыс қорытындысы бойынша жүлделі орындар төмендегідей бөлінді:
I орын — «ФК Қайрат» командасы;
II орын — «Перваштар» командасы;
III орын — «FC DOSTEAM» командасы.
Турнирдің үздік ойыншылары
Жарыс нәтижесінде жекелеген номинациялар бойынша үздік ойыншылар анықталды:
Үздік қорғаушы — Калмуратов Арсен (ЮРТ-25-01);
Үздік қақпашы — Асылбеков Санжар (Қ-25-01);
Үздік шабуылшы — Туменбаев Абай Аңсағанұлы (AI-26-01).
Турнир «Заң және тәртіп» идеологемасын ілгерілету аясында өткізілді. Іс-шараның негізгі мақсаты — жастар арасында салауатты өмір салтын насихаттау, есірткі тұтынудың алдын алу, сондай-ақ студенттердің өз денсаулығы мен болашағына жауапкершілікпен қарауын қалыптастыру.
Мұндай спорттық іс-шараларды өткізу студенттер арасында тәртіпті, командалық рухты және ережелер мен қарсыластарға құрметпен қарауды дамытуға ықпал етеді. Сонымен қатар студенттердің бос уақытын мазмұнды әрі пайдалы өткізуіне мүмкіндік береді.
ЕАГИ турнир жеңімпаздары мен жүлдегерлерін құттықтап, барлық қатысушыларға белсенділігі, спорттық жігері және лайықты ойыны үшін алғыс білдіреді. Іс-шараның серіктестеріне ынтымақтастықтары және жастар арасында салауатты өмір салтын насихаттауға қосқан үлестері үшін ерекше алғыс білдіреміз.
